நன்றி

ஏழு வருட காதல்
மூன்று வருட போராட்டம்
பின் பெற்றோர் சம்மதம்

சுற்றத்தார் முன்னிலையில் திருமண‌ம்

என்னை ரசிக்க வைத்த
காதல் திருமணம்
என் எதிர் வீட்டில்

அன்பான தம்பதி
அழகான குழந்தை
அளவான வாழ்க்கை

இன்று

காலை காப்பியில்
சக்கரை சர்ச்சை
குழந்தையின் அட்மிஷனுக்கு
பள்ளியெது சர்ச்சை

பாத்திரச் சீட்டு
போட்டாலும் சண்டை
பாத்திரத்துக்காக பழைய துணி
போட்டாலும் சண்டை

சண்டை சண்டை
சன்டேயிலும் சண்டை
காதல் திருமணத்தில்
காதல் காணாமல் போன‌து

நான் எதிர்பார்க்காத வீட்டில்

நல்ல வேளை பெண்ணே
நீ என்னை விட்டுச் சென்றதால்
வாழ்கிறது நம் காதல்
என்னிடத்தில்
"நன்றி"